المعالجة النفسية: بربي خوذ راحتك... أكثر... أكثر
المعالجة النفسية: كيفاش تحس روحك اليوم؟
الزبونة: ما نعرفش... لازمني راحة من السوشيال ميديا. برشا أخبار خايبة.
المعالجة النفسية: شنوة اللي قاعد يطلعلك؟
الزبونة: ديما حرب، موت... فلسطين، الكونغو، السودان.برشة حاجات خايبة...
المعالجة النفسية: نعرف اللي الحاجات هذه تنجم اتعب...
الزبونة: إي! نحس روحي حزينة... انا نحب كان فيديوات ماكياج وقطاطس وحاجات تضحّك. لازمني ديتوكس.
المعالجة النفسية: يعني الطريقة الأنجع ليك... هي كيف تتجنب...
الزبونة: إي. بعيد على العين، بعيد على القلب. صحتي النفسية قبل كل شيء.
المعالجة النفسية: فهمتك. باهي، نظن في حالتك لازمتنا طريقة أكثر رادكالية. نجموا نجربوا علاج إعادة التحويل.
الزبونة: إعا...دة تحويل؟
المعالجة النفسية: آه، لا لا، مش اللي في مخك. هذاكا وحشي. أنا نحكي على إعادة تحويلك باش تولي عندك ضمير إنساني وظيفي. هي عملية طويلة وصعيبة. لازمنا بالشوية بالشوية نعاودو ندخّلو مفهوم إنه الناس الأخرين بشر كيفك، عندهم احتياجات، أحلام، مشاعر، يمرّوا بصدمات متواصلة، حتى وكان هذاكا يزعزع علمك المنمق. الخطوة الأولى هي الاعتراف بأنه معاناتهم حقيقية ولازمنا نكون شهود عليها وإحنا متبزكين في ديارنا الهادية
الزبونة: ما أخيبها الفازة!!!
المعالجة النفسية: نعرف. ثمة حزن. ثمة وجيعة. ثمة ذنب. يلزمك تتعلم كيفاش تعايش القلق من غير ما تحاول فيسع انك تحولو لرحلة ذاتية للتنمية البشرية. في المرحلة الجاية باش تحاول تقوم بفعل تضامن واحد ما تنشروش في السوشيال ميديا.
الزبونة: ولا... كان نعمل "mute" لكلمات كيف "حرب"، "مجاعة"، "استعمار"...
المعالجة النفسية: تنجم. هذا اللي نسميوه "الجهل المريح". هي طريقة فعالة باش تتورط أكثر في راحة الإنكار وهكاكة تقتل روحك بالشوية بالشوية. أما صدقني، كل شي يدور ويعاود ويرجعلك ويلبسك